डा. मीनबहादुर विष्ट

‘त्यस्तो केही छैन पहाडमा
जसको म एउटा कविता लेख्न सकूँ
खासमा केही छैन भने पनि हुन्छ पहाडमा
जसको कुनै लेखकले एउटा निबन्ध लेख्न सकोस्
जस्तो कि धेरै वर्ष लाहुर खाएर
केही महिनाको छुट्टीमा घर फर्कँदा बातैपिच्छे
भन्ने गर्छन् लाहुरेहरु–
‘साला पहाड मे क्या है रु’
हो, केही छैन ‘साला’ पहाडमा
जस्तो,
नवजात शिशु मरेका आमाहरुझैँ
असाध्य पीडामा आँसु बगाइरहेका
नदीका केही मुहानहरु छन्
चटक्क माया मारेर हिँडे पनि नदीले
अलिकति फोहोर पानी र
केही भ्यागुताहरुको पसल थापेर
कत्ति पनि हलचल नगरी चट्टानझैं जमेका
केही पोखरीहरु छन्
एक्कैसाथ घर रुङ्दै र काल कुर्दै गरेका
केही बूढाबूढी छन् ।’

साहित्य पत्रिकाबाट

तपाईंको प्रतिकृया