काठमाडौं ।
अख्तियार दुरुपयोग अनुसन्धान आयोगका सचिव र अन्य उच्च पदस्थ अधिकारीमाथि सर्वाेच्च अदालतले कारवाहीको चेतावनी दिएको छ । सर्वोच्चले १५ दिन भित्र अदालतमा उपस्थित भई जवाफ दिनसमेत आदेश दिएको छ । न्यायाधीशद्वय ईश्वरप्रसाद खतिवडा र सपना प्रधान मल्लको संयुक्त इजलासले विहिवार २०६० साल वैशाख २५ गतेको निर्णय सहितको सक्कल मिसिल, फायलसमेत लिई अदालतमा उपस्थित हुन सचिव स्वयंलाई आदेश दिएको हो ।

अदालतको आदेश पटक पटक अटेर गरेर आयोगका काम कारवाहीसम्बन्धी अभिलेख र रजिस्टर ५ वर्षदेखि उपलब्ध नगराएको भन्दै सर्वोच्चले किन कारबाही नगर्ने भनी प्रश्न गरेको हो । अदालतले २०७१ असोज २९ गते ताराराज पाण्डेको मुद्दा सम्बन्धी २०६० को अभिलेख पठाउन आदेश दिए पनि त्यस यता पटक पटक अटेरी गरेको र भेटिएन भन्दै पन्छिएको आदेशमा उल्लेख छ । अदालतलाई कागजात नबुझाउनु आपत्तिजनक भन्दै कारवाही तथा सजाय किन गर्नु नपर्ने भन्ने स्पष्टिकरणपनि सोधिएको छ ।

तपाईंको प्रतिकृया